9
راستہ روک کر گن پوائنٹ پر لوٹ مار، پولیس نے مقدمہ درج کرلیا
گجرات کے نواحی علاقے دیونہ منڈی کے قریب پیش آنے والی ایک واردات میں مسلح ڈاکوؤں نے گن پوائنٹ پر ایک شہری کو لوٹ لیا۔ متاثرہ شخص، جو گجرات کا رہائشی ہے، دیونہ منڈی کے راستے سے گزر رہا تھا کہ اچانک چند مسلح افراد نے ناکہ لگا کر اسے روکا اور اس سے 50 ہزار روپے نقدی چھین لی۔
واردات کے فوراً بعد ملزمان موقع سے فرار ہوگئے۔ واقعے کی اطلاع پر پولیس تھانہ رحمانیہ نے فوری کارروائی کرتے ہوئے مقدمہ درج کرلیا ہے اور ملزمان کی تلاش شروع کر دی گئی ہے۔
یاد رہے کہ حالیہ مہینوں میں گجرات اور مضافات میں ڈکیتی و راہزنی کی وارداتوں میں نمایاں اضافہ ہوا ہے، جس سے شہریوں میں خوف و ہراس پھیل رہا ہے۔
عوامی حلقوں کی جانب سے پولیس سے مطالبہ کیا جا رہا ہے کہ جرائم پیشہ عناصر کے خلاف مؤثر کارروائی عمل میں لائی جائے تاکہ امن و امان کی صورتحال بہتر ہو۔
