182
گجرات میں ڈکیتی اور چوری کی وارداتوں میں مسلسل اضافہ، شہری خوف و ہراس کا شکار ہو گئے۔ پولیس کی کارکردگی پر سوالیہ نشان لگنے لگے۔
محلہ چاہ ترنگ میں واقعہ پیش آیا جہاں شادی وال کے رہائشی محمد کامران سے نامعلوم افراد نے گن پوائنٹ پر نقدی اور موبائل فون چھین لیا اور فرار ہو گئے۔
دوسری جانب محلہ کالوپورہ میں ایک اور واردات میں محنت کش محمد اعظم کا رکشہ نامعلوم چور لے اڑے۔ رکشے کی مالیت تقریباً 4 لاکھ روپے بتائی جا رہی ہے۔
پولیس نے دونوں وارداتوں کے الگ الگ مقدمات درج کر کے تفتیش شروع کر دی ہے، تاہم اب تک کسی گرفتاری کی اطلاع موصول نہیں ہوئی۔
شہریوں نے پولیس سے مطالبہ کیا ہے کہ چوری اور ڈکیتی کی بڑھتی وارداتوں پر قابو پانے کے لیے مؤثر اقدامات کیے جائیں تاکہ عوام کا اعتماد بحال ہو۔
