ڈی پی او گجرات رانا عمر فاروق کی ہدایات پر ڈی ایس پی لالہ موسیٰ سرکل چوہدری احسان ظفر سندھو کی زیر نگرانی لالہ موسیٰ سرکل پولیس کی چوروں اور ڈکیتوں کے خلاف کارروائیاں جاری ہیں۔
اس سلسلے میں ایس ایچ او تھانہ رحمانیہ انسپکٹر عثمان وارث نے اپنی پولیس ٹیم کے ہمراہ چوری اور ڈکیتی کی متعدد وارداتوں میں ملوث 2 ملزمان کو گرفتار کر لیا۔
ملزمان کے قبضے سے برآمد کیے گئے مال مسروقہ میں 3 عدد موٹرسائیکلیں اور نقدی رقم 1 لاکھ 25 ہزار روپے شامل ہے، جو اصل مالکان کے حوالے کر دی گئی ہے۔
گرفتار ملزمان میں علی حسن ولد محمد ارشد، ساکن وزیرآباد،تنویر عرف نوید ولد محمد امین ساکن شیخوپورہ شامل ہیں۔
پولیس کے مطابق ملزمان سے مزید تفتیش جاری ہے اور امید ہے کہ ان سے دیگر وارداتوں کے بارے میں بھی اہم انکشافات حاصل ہوں گے۔
ڈی پی او گجرات نے عوام کے جان و مال کے تحفظ کے لیے پولیس کی کارکردگی کو سراہا اور کہا کہ قانون شکنی کرنے والوں کے خلاف کارروائیاں تیز رکھی جائیں گی۔
