جلالپور جٹاں اور شیخ پور سے دو رکشے چوری، پولیس نے مقدمات درج کر لیے

گجرات: شہر میں چوری کی وارداتوں کا سلسلہ جاری ہے۔ حالیہ واقعات میں جلالپور جٹاں اور شیخ پور سے دو رکشے نامعلوم چور چرا کر لے گئے۔

پہلا واقعہ جلالپور جٹاں کے چوپالہ اسٹینڈ پر پیش آیا، جہاں محلہ کھوکھراں کے رہائشی شہری کا رکشہ چوری کر لیا گیا۔ دوسرا واقعہ شیخ پور کی جنازہ گاہ کے باہر پیش آیا، جہاں گلانوالہ کے رہائشی کا رکشہ نامعلوم چور لے اُڑے۔

دونوں وارداتوں کی اطلاع پر تھانہ سٹی جلالپور جٹاں اور تھانہ صدر گجرات نے الگ الگ مقدمات درج کر کے تفتیش کا آغاز کر دیا ہے۔ شہریوں نے پولیس سے مطالبہ کیا ہے کہ چوروں کو جلد از جلد گرفتار کیا جائے تاکہ بڑھتی ہوئی چوری کی وارداتوں پر قابو پایا جا سکے۔

یاد رہے کہ حالیہ دنوں میں گجرات میں نہ صرف موٹر سائیکل، بلکہ رکشہ چوری کی وارداتوں میں بھی نمایاں اضافہ دیکھنے میں آ رہا ہے، جس سے محنت کش طبقہ سب سے زیادہ متاثر ہو رہا ہے۔