ایف آئی اے گوجرانوالہ زون نے بینک کسٹمرز کے اصلی سونے کی جگہ جعلی سونا رکھنے والے گینگ کے ماسٹر مائنڈ ثاقب علی کو گجرات سے گرفتار کر لیا ہے۔
ابتدائی تفتیش کے مطابق ثاقب علی نے ساتھیوں کے ساتھ مل کر کروڑوں روپے مالیت کا سونا خوردبرد کیا اور اصلی سونے کو جعلی سونے سے تبدیل کیا۔
ملزم مجموعی طور پر 21 کروڑ 50 لاکھ روپے مالیت کے سونے کی چوری میں ملوث ہے اور اس کے خلاف چار مقدمات درج ہیں۔
ثاقب علی کئی ہفتوں سے روپوش تھا اور اس کی گرفتاری کے لیے متعدد چھاپے مارے گئے تھے۔
نیشنل بینک گجرات زون میں کروڑوں کا سونا خرد برد، 6 اہلکار گرفتار
گرفتاری جدید تکنیکی وسائل کے ذریعے عمل میں آئی ہے اور اس وقت ملزم سے تفتیش جاری ہے۔
ایف آئی اے نے دیگر ملوث افراد کی گرفتاری کے لیے چھاپے مارنے اور خصوصی ٹیمیں تشکیل دینے کا بھی اعلان کیا ہے۔
ترجمان ایف آئی اے نے کہا کہ ملزمان کو قانون کے مطابق سخت سزائیں دی جائیں گی۔
