348
گجرات میں زمین کے تنازع پر خاتون پر بہیمانہ تشدد، ہسپتال میں دم توڑ گئی
گجرات کی رہائشی 34 سالہ خاتون ملکہ بی بی کو مبینہ طور پر زمین کے تنازع پر بے رحمی سے تشدد کا نشانہ بنایا گیا۔
ریلوے روڈ کے علاقے میں ملزمان ارشد، قیصر گوگا، ناصر اقبال و دیگر نے خاتون کو ڈنڈوں، سوٹوں اور اسلحے کے بٹ سے مارا۔
خاتون کو شدید زخمی حالت میں عزیز بھٹی شہید ہسپتال منتقل کیا گیا، جہاں وہ جانبر نہ ہو سکیں۔
تھانہ اے ڈویژن میں مقتولہ کی والدہ کی مدعیت میں مقدمہ درج کر لیا گیا ہے۔
واقعے میں جاوید اقبال ماجرہ کو بھی مشورہ دینے والے ملزم کے طور پر نامزد کیا گیا ہے۔
