گجرات پولیس نے تھانہ بولانی کے علاقے میں پتنگ فروشوں کے خلاف کارروائی کرتے ہوئے ایک ملزم کو گرفتار کر کے اس کے قبضے سے 50 عدد پتنگیں اور 10 عدد کیمیکل ڈور برآمد کر لیں۔
یہ کارروائی ڈی پی او گجرات رانا عمر فاروق کی ہدایات پر ضلع بھر میں پتنگ فروشوں اور پتنگ بازوں کے خلاف شروع کیے گئے کریک ڈاؤن کے تحت عمل میں لائی گئی۔
پولیس کے مطابق ایس ایچ او تھانہ بولانی محمد عنصر انسپکٹر اور سبطین ظفر ASI، انچارج چوکی رحمان پور، اپنی ٹیم کے ساتھ مل کر ملزم محمد شعیب ولد محمد یاسین کو گرفتار کرنے میں کامیاب ہوئے۔ گرفتار ملزم کے خلاف مقدمہ درج کر کے مزید تفتیش شروع کر دی گئی ہے۔
گجرات پولیس کا منشیات اور ناجائز اسلحہ فروشوں کے خلاف گرینڈ آپریشن
ڈی پی او گجرات نے کہا کہ پتنگ بازی اور پتنگ فروشی ایک جان لیوا کھیل ہے، والدین اپنے بچوں کو ایسے خطرناک سرگرمیوں سے دور رکھیں۔
ترجمان گجرات پولیس، سرکل سرائے عالمگیر نے بھی عوام سے اپیل کی کہ قانون کی خلاف ورزی کرنے والوں کے خلاف پولیس سخت کارروائی کرے گی۔
