9
گجرات پولیس تھانہ کنجاہ نے منشیات فروشوں کے خلاف بڑی کارروائی کرتے ہوئے شراب کی چالو بھٹی پکڑ لی۔ کارروائی کے دوران 30 لیٹر شراب، 120 لیٹر لہن اور شراب کشید کرنے میں استعمال ہونے والے آلات برآمد کر لیے گئے۔
ڈی پی او گجرات رانا عمر فاروق کے احکامات پر ضلع بھر میں منشیات فروشوں کے خلاف جاری کریک ڈاؤن کے سلسلے میں یہ کارروائی ڈی ایس پی صدر سرکل رائے سرفراز یوسف کی نگرانی میں کی گئی۔
ایس ایچ او تھانہ کنجاہ انسپکٹر حسن زبیر نے خفیہ اطلاع پر خصوصی ٹیم تشکیل دے کر گولیکی میں چھاپہ مارا اور ملزم ہارون ولد اللہ دتہ کو گرفتار کر لیا۔
پولیس کے مطابق ملزم کے خلاف مقدمہ درج کر لیا گیا ہے اور مزید تفتیش جاری ہے۔
