گجرات: پولیس سرکل کھاریاں نے منشیات فروشوں اور ناجائز اسلحہ برداروں کے خلاف کارروائی جاری رکھی۔ اس دوران 11 ملزمان کو گرفتار کیا گیا اور لاکھوں روپے مالیت کی منشیات و اسلحہ برآمد ہوا۔
کارروائی میں مجموعی طور پر 2 کلو سے زائد آئس، 3 کلو سے زائد ہیروئن، اڑھائی کلو سے زائد چرس، 14 لیٹر شراب اور 4 عدد 30 بور پسٹل برآمد کیے گئے۔
تفصیلات کے مطابق، ڈی پی او گجرات رانا عمر فاروق کی زیر قیادت ڈی ایس پی کھاریاں سرکل شاہد محمود کی نگرانی میں ایس ایچ او تھانہ گلیانہ SI مبشر نواز نے اپنی ٹیم کے ساتھ کارروائی کرتے ہوئے 8 ملزمان گرفتار کیے۔ گرفتار ملزمان میں شہباز احمد، عابد حسین، قاسم الطاف، داؤد اسلم، محمد حسین، قمر عباس، محمد بلال اور فضل دین شامل ہیں۔ ان کے قبضے سے مجموعی طور پر 1258 گرام آئس، 1160 گرام چرس، 14 لیٹر شراب اور 4 عدد پسٹل برآمد ہوئے۔
اسی دوران ایس ایچ او تھانہ صدر کھاریاں انسپکٹر توقیر الحسن کی زیر قیادت اپنی ٹیم نے منشیات فروشوں کے خلاف کارروائی کرتے ہوئے مزید 3 ملزمان گرفتار کیے۔ ان میں شہباز خان، سرفراز خالد اور عثمان خان شامل ہیں، جن کے قبضے سے 1100 گرام آئس، 3 کلو سے زائد ہیروئن اور 1635 گرام چرس برآمد کی گئی۔
گرفتار ملزمان کے خلاف الگ الگ مقدمات درج کر کے تفتیش شروع کر دی گئی ہے۔
