133
اسسٹنٹ کمشنر گجرات عبدالقدیر زرکون نے شادی ہالز کے مالکان کے ساتھ اجلاس کی صدارت کرتے ہوئے ون ڈش پالیسی پر سختی سے عملدرآمد کے حوالے سے ہدایات جاری کیں۔
اجلاس میں اسسٹنٹ کمشنر نے واضح کیا کہ پنجاب میرج فنکشنز ایکٹ 2016ء کے تحت ون ڈش پالیسی کی خلاف ورزی برداشت نہیں کی جائے گی۔ شادی ہالز مالکان کو تاکید کی گئی کہ وہ پالیسی پر مکمل عملدرآمد یقینی بنائیں، بصورت دیگر خلاف ورزی کرنے والوں کے خلاف جرمانے اور قانونی کارروائی کی جائے گی۔
گجرات میں ون ڈش پالیسی کی خلاف ورزی پر متعدد شادی ہالز کو بھاری جرمانے
ضلعی انتظامیہ نے بتایا کہ عوامی مفاد میں ون ڈش پالیسی کے نفاذ کے لیے نگرانی اور کارروائیاں مسلسل جاری رہیں گی تاکہ شادی ہالز میں ضابطے کی خلاف ورزی نہ ہو اور شہریوں کے حقوق محفوظ رہیں۔
