7
گجرات پولیس نے ڈی پی او رانا عمر فاروق کی ہدایات پر عمل کرتے ہوئے کھاریاں سرکل میں منشیات فروشوں کے خلاف کامیاب کارروائیاں کرتے ہوئے 3 ملزمان کو گرفتار کر لیا۔ کارروائیوں کے نتیجے میں لاکھوں روپے مالیت کی 3 کلو سے زائد چرس برآمد کی گئی۔
تفصیلات کے مطابق ڈی ایس پی کھاریاں سرکل شاہد محمود کی نگرانی میں ایس ایچ او تھانہ گلیانہ سب انسپکٹر مبشر نواز نے پولیس ٹیم کے ہمراہ کارروائی کرتے ہوئے
ملزم شعبان علی ولد محمد شہباز سکنہ ڈھل ککہ کو گرفتار کیا، جس کے قبضے سے 1160 گرام چرس برآمد ہوئی۔
اسی طرح ایس ایچ او تھانہ ککرالی نے پولیس ٹیم کے ہمراہ کارروائی کرتے ہوئے مزید دو منشیات فروشوں کو گرفتار کر لیا، جن کی شناخت یہ ہے:
- علی عباس ولد محمد اشرف — قبضہ سے 1280 گرام چرس برآمد
- عرفان اللہ ولد میاں خان قوم مصلی — قبضہ سے 1320 گرام چرس برآمد
پولیس کے مطابق گرفتار ملزمان کے خلاف الگ الگ مقدمات درج کر کے تفتیش کا آغاز کر دیا گیا ہے۔
