گجرات: تھانہ ککرالی میں نازیبہ فعل کی ایف آئی آر کی خبر وائرل، ڈی پی او نے فوری نوٹس لے لیا

گجرات کے تھانہ ککرالی میں نازیبہ فعل کی ایف آئی آر کے سوشل میڈیا پر وائرل ہونے کے بعد ڈی پی او گجرات نے واقعے کا فوری نوٹس لے لیا۔

ترجمان گجرات پولیس کے مطابق، ڈی پی او گجرات کی ہدایت پر فوری انکوائری کا آغاز کر دیا گیا ہے اور ایس پی انویسٹی گیشن کو مکمل تحقیقات کی ذمہ داری سونپی گئی ہے۔

مزید بتایا گیا کہ ایف آئی آر کے متن کے متعلق بھی انکوائری کی جائے گی تاکہ حقائق کی مکمل تصدیق کی جا سکے۔ تحقیقات میرٹ پر کی جائیں گی اور تصدیق شدہ حقائق کے مطابق قانونی کارروائی عمل میں لائی جائے گی۔

گجرات پولیس نے عوام اور میڈیا سے اپیل کی ہے کہ معاملے کے حوالے سے غیر مصدقہ خبریں پھیلانے سے گریز کریں تاکہ تحقیقات پر کوئی اثر نہ پڑے۔