گجرات: ای پی اے کی انسدادی کارروائیوں کی رپورٹ

گجرات میں ماحولیات کے تحفظ کے لیے ای پی اے کی ٹیموں نے مختلف صنعتی یونٹس اور بھٹوں کا معائنہ کیا۔ رپورٹ کے مطابق مجموعی طور پر 15 معائنے کیے گئے جن میں ایک یونٹ کو ماحولیاتی قواعد کی خلاف ورزی پر سیل کردیا گیا، جبکہ ذمہ داران کے خلاف ایف آئی آر بھی درج کرلی گئی۔

پلاسٹک بیگز کے خلاف جاری مہم کے دوران 25 کلوگرام ممنوعہ پولی تھین بیگز ضبط کیے گئے۔ اسی طرح دھواں چھوڑنے والی گاڑیوں کے خلاف مشترکہ کارروائی میں 25 گاڑیوں کا معائنہ کیا گیا، جن میں سے 7 گاڑیوں کو خلاف ورزی کا مرتکب پایا گیا۔ مجموعی طور پر 14 ہزار روپے جرمانہ عائد کیا گیا۔