گجرات: مکیانہ میں گھریلو جھگڑے پر تشدد، ایک شخص کے بازو توڑ دیے گئے

گجرات کے گاؤں مکیانہ میں گھریلو جھگڑے کے دوران ملزمان نے ایک شخص کو ڈنڈوں اور سوٹوں سے تشدد کا نشانہ بنایا، پولیس نے مقدمہ درج کر کے تفتیش شروع کر دی۔

گجرات کے علاقے دولت نگر کے گاؤں مکیانہ میں گھریلو جھگڑے کے دوران تشدد کا واقعہ پیش آیا ہے۔ ملزمان وقاص اور دیگر افراد جو کہ رحمت پورہ گجرات کے رہائشی ہیں، نے شرافت علی کے گھر میں گھس کر اس پر ڈنڈوں سے حملہ کیا اور اس کے بازو توڑ دیے۔ اس کے علاوہ ملزمان نے شرافت علی کی بہن اور کزن کو بھی مار پیٹ کا نشانہ بنایا۔

پولیس تھانہ دولت نگر نے واقعے کی رپورٹ پر مقدمہ درج کر کے تحقیقات کا آغاز کر دیا ہے تاکہ ملزمان کو قانون کے کٹہرے میں لایا جا سکے، مقامی پولیس نے کہا ہے کہ واقعے کی مکمل تفصیلات معلوم کرنے کے لیے کارروائی جاری ہے۔