10
گجرات کے گاؤں مہسم میں کرکٹ میچ کے دوران جھگڑے پر فائرنگ، فاخر مظہر جاں بحق، بھائی اور ماموں زخمی، پولیس نے مقدمہ درج کر لیا۔
گجرات،تھانہ دولت نگر کی حدود میں گاؤں مہسم کے کرکٹ گراؤنڈ میں گزشتہ شام کھیل کے دوران افسوسناک واقعہ پیش آیا۔
تفصیلات کے مطابق کرکٹ میچ کے دوران نوجوانوں میں تلخ کلامی بڑھنے پر اچانک فائرنگ شروع ہو گئی جس کے نتیجے میں فاخر مظہر ولد مظہر حسین شدید زخمی ہوا اور موقع پر دم توڑ گیا۔
فائرنگ سے مقتول کا بھائی طاہر بھی شدید زخمی ہوا جبکہ ان کا ماموں مہر یاسر بھی گولی لگنے سے زخمی ہو گیا، واقعہ کے بعد پولیس تھانہ دولت نگر نے جائے وقوعہ پر پہنچ کر شواہد اکٹھے کیے اور مقدمہ درج کر کے تفتیش شروع کر دی ہے۔
زخمی نوجوانوں اور جاں بحق ہونے والے کی لاش کو فوری طور پر قریبی سرکاری ہسپتال منتقل کیا گیا، جہاں زخمیوں کو طبی امداد فراہم کی جا رہی ہے۔
