836
جی ٹی روڈ پر پیش آنے والے ایک المناک حادثے میں تیز رفتار کار نے سڑک کنارے کھڑے رکشے کو زور دار ٹکر مار دی، جس کے نتیجے میں تین افراد جاں بحق اور تین شدید زخمی ہو گئے۔
حادثہ گجرات کے قریب اس وقت پیش آیا جب سواریوں سے بھرا ہوا رکشہ سڑک کے کنارے سواریاں بٹھا رہا تھا کہ پیچھے سے آنے والی کار تیز رفتاری کے باعث رکشے پر چڑھ دوڑی۔ ریسکیو ذرائع کے مطابق دو افراد موقع پر ہی دم توڑ گئے، جب کہ ایک زخمی اسپتال پہنچ کر جاں بحق ہوا۔
جاں بحق ہونے والوں میں رکشہ ڈرائیور سمیت دو مزدور شامل ہیں، جن میں محمد اکرم (ساکن گھوٹکی) اور افضال احمد (ساکن رحیم یار خان) شامل ہیں۔ زخمیوں کی حالت نازک بتائی جا رہی ہے۔
پولیس نے حادثے کا مقدمہ کار ڈرائیور کے خلاف درج کر کے مزید کارروائی شروع کر دی ہے۔
