245
گجرات کے تھانہ ککرالی کی حدود میں نامعلوم افراد کی فائرنگ سے احسان اللہ کوٹلہ جاں بحق ہوگئے۔ مقتول کا تعلق گجرات کے نواحی گاؤں دلاور پور سے تھا۔
ابتدائی اطلاعات کے مطابق واقعہ دیرینہ دشمنی کا شاخسانہ بتایا جا رہا ہے۔ ذرائع کے مطابق احسان اللہ کوٹلہ اپنے گھر واپس جا رہے تھے کہ راستے میں نامعلوم افراد نے فائرنگ کر دی جس کے نتیجے میں وہ موقع پر ہی دم توڑ گئے۔
اطلاع ملنے پر پولیس جائے وقوعہ پر پہنچ گئی، لاش کو اپنی تحویل میں لے کر ضابطے کی کارروائی شروع کر دی گئی ہے جبکہ واقعے کی تفتیش جاری ہے۔
