دیونہ کے قریب ریلوے ٹریک پر درخت گرنے سے عوام ایکسپریس کا انجن پٹڑی سے اتر گیا، ٹرین سروس متاثر

گجرات (دیونہ) کے قریب تیز ہوا کے باعث ریلوے ٹریک پر درخت گر گئے جس کے نتیجے میں پشاور جانے والی عوام ایکسپریس کا انجن دیونہ جیلانی اسٹیشن پر پٹڑی سے اتر گیا۔

ریلوے حکام کے مطابق عوام ایکسپریس کا انجن نمبر 8317 وزیرآباد سے جیک لگا کر دیونہ جیلانی اسٹیشن پہنچایا جائے گا تاکہ متاثرہ ٹرین کو دوبارہ بحال کیا جا سکے۔

حادثے کے باعث راولپنڈی اور لاہور کے درمیان ٹرین سروس تاخیر کا شکار ہوگئی ہے جبکہ مسافروں کو مشکلات کا سامنا ہے۔