8
کھاریاں: اسسٹنٹ کمشنر کھاریاں احمد شیر گوندل نے تحصیل ہیڈ کوارٹر ہسپتال کھاریاں کا تفصیلی دورہ کیا۔ دورے کے دوران انہوں نے ہسپتال کے مختلف وارڈز کا معائنہ کیا اور مریضوں و ان کے لواحقین سے ادویات کی مفت دستیابی اور فراہم کی جانے والی طبی سہولیات سے متعلق دریافت کیا۔
اسسٹنٹ کمشنر نے او پی ڈیز کا بھی دورہ کیا جہاں ڈاکٹروں اور طبی عملے کی حاضری چیک کی گئی اور مریضوں کو دی جانے والی سہولیات کا جائزہ لیا گیا۔ انہوں نے ہدایت کی کہ ڈیوٹی اوقات میں عملے کی مکمل حاضری اور مریضوں کو بروقت اور معیاری طبی سہولیات کی فراہمی ہر صورت یقینی بنائی جائے۔
اس موقع پر میڈیکل سپرنٹنڈنٹ ٹی ایچ کیو ہسپتال کھاریاں ڈاکٹر ظفر مہدی نے ہسپتال کی مجموعی کارکردگی اور جاری اقدامات سے متعلق اسسٹنٹ کمشنر کو تفصیلی بریفنگ دی۔
