143
وزیر آباد کے علاقہ گکھڑ منڈی میں ناکام شادی کے بعد بیٹے نے باپ اور بھائی کو چھریاں مار کر زخمی کر دیا۔
تفصیلات کے مطابق وزیر آباد کے تھانہ گکھڑ منڈی کے گاؤں کوٹ وارث کے رہائشی محمد خالد کے بیٹے جنید کی کچھ عرصہ قبل لاہور میں شادی ہوئی تھی جو علیحدگی میں تبدیل ہو گئی تھی۔
ناکام شادی کے بعد ذہنی طور پر اپ سیٹ رہنے لگا تھا جبکہ کام کاج کرنا چھوڑ دیا تھا، اس کا اپنے گھر والوں کے ساتھ اکثر جھگڑا رہتا تھا۔
آج بھی تلخ کلامی ہوئی تو جنید نے انپے والد خالد پر چھریوں سے حملہ کر کے زخمی کر دیا، خالد کا دوسرا بیٹا اپنے باپ کو بچانے کے لیے آیا تو ملزم نے اپنے بھائی پر بھی چھریوں کے وار کرکے زخمی کر دیا اور خود کو بالائی منزل پر بنے کمرئے میں بند کر لیا۔
پولیس نے موقع پر پہنچ کر ملزم جنید کو گرفتار کرکے اس کے قبضہ سے چھری برآمد کر لی ہے، دونوں زخمیوں کو ڈی ایچ کیو ہسپتال گوجرانوالہ ریفر کر دیا گیا ہے۔
