8
ڈپٹی کمشنر صفدر حسین ورک کی زیر صدارت انسداد پولیو مہم کی یومیہ کارکردگی کا جائزہ اجلاس ڈی سی آفس میں منعقد ہوا۔
گجرات: ڈپٹی کمشنر صفدر حسین ورک کی زیر صدارت انسداد پولیو مہم کی یومیہ کارکردگی کا جائزہ اجلاس ڈی سی آفس میں منعقد ہوا، جس میں محکمہ صحت، ریونیو، ڈبلیو ایچ او و دیگر اداروں کے افسران نے شرکت کی۔
اجلاس میں 21 اپریل سے شروع ہونے والی پولیو مہم کے پہلے دن کی کارکردگی کا تفصیلی جائزہ لیا گیا۔ ڈپٹی کمشنر نے ٹیموں کی فیلڈ کارکردگی، مانیٹرنگ، رپورٹنگ اور درپیش مسائل پر بریفنگ لی اور ہدایت دی کہ:
"پولیو کے خلاف جنگ قومی فریضہ ہے، کسی قسم کی غفلت برداشت نہیں کی جائے گی۔”
انہوں نے بتایا کہ:
- اضافی مانیٹرز تعینات کیے جا چکے ہیں۔
- ہر یونین کونسل میں سیکریٹری فیلڈ ڈیوٹی پر مامور ہے۔
- روزانہ کی بنیاد پر خامیوں کی نشاندہی اور فوری اصلاح کی جا رہی ہے۔
ڈپٹی کمشنر صفدر ورک نے والدین سے اپیل کی کہ: "اپنے بچوں کو پولیو سے بچاؤ کے قطرے ضرور پلوائیں، تاکہ ہم گجرات کو پولیو فری ضلع بنا سکیں۔”
