گجرات پولیس کا منشیات فروشوں اور ناجائز اسلحہ برداروں کے خلاف ایکشن، 7ملزمان گرفتار،ساڑھے 3کلو سے زائد چرس،20 لیٹر شراب، رائفل 8MM، 2عدد پسٹل برآمد۔
تفصیلات کے مطابق وزیراعلیٰ پنجاب مریم نواز شریف کے ویژن کرائم فری پنجاب کے تحت ڈی پی او گجرات ڈاکٹر مستنصر عطاء باجوہ کی زیر قیادت ناجائز اسلحہ برداروں اور منشیات فروشوں کے خلاف کاروائیاں جاری ہیں۔
اس سلسلہ میں ڈی ایس پی سٹی سرکل سید عامر عباس شیرازی کی زیر نگرانی ایس ایچ او تھانہ اے ڈویژن SI عظمت سعید نے اپنی پولیس ٹیم کے ہمراہ منشیات فروشوں کے خلاف کاروئیاں کرتے 2ملزمان کو گرفتار کر لیا۔ گرفتار ملزمان میں 1۔ لیاقت علی 2۔ سکندر اشرف شامل ہیں۔ ملزمان کے قبضہ سے 1760 گرام چرس اور10 لیٹر شراب برآمد کر لی گئی۔
ایس ایچ او تھانہ لاری اڈا SI آفتاب حسین نے اپنی پولیس ٹیم کے ہمراہ منشیات فروشوں کے خلاف کاروائی کرتے ہوئے ملزم علی حیدر عرف بہادر کو گرفتار کر کے ملزم کے قبضہ سے 670 گرام چرس برآمد کر لی جبکہ تھانہ بی ڈویژن SI یاسیر احمد نے ناجائز اسلحہ برداروں کے خلاف کاروائی کرتے ہوئے ملزم عرفان کو گرفتار کر لیا۔ ملزم کے قبضہ سے 1760 گرام چرس برآمد کر لی گئی۔
ایس ایچ او تھانہ سٹی لالہ موسیٰ SI عابد حسین نے اپنی پولیس ٹیم کے ہمراہ کاروائی کرتے ہوئے منشیات فروش ندیم عباس کو گرفتار کر کے ملزم کے قبضہ سے 1120گرام چرس اور اسلحہ ناجائز پسٹل 9MM برآمد کر لیا۔
ایس ایچ او تھانہ صدر گجرات انسپکٹر بشارت احمد نے اپنی پولیس ٹیم کے ہمراہ کاروائی کرتے ہوئے نا جائز اسلحہ بردار ساجد کو گرفتار کر کے ملزم کے قبضہ سے رائفل 8MM برآمد کر لیا جبکہ ایس ایچ او تھانہ کڑیانوالہ نے اپنی پولیس ٹیم کے ہمراہ کاروائی کرتے ہوئے شراب سپلائر محمد مجید کو گرفتار کر کے ملزم کے قبضہ سے 10لیٹر شراب اور وٹک برآمد کر لی۔گرفتار ملزمان کے خلاف الگ الگ مقدمات درج کرکے مزید تفتیش کا آغاز کر دیا گیا۔
