ڈپٹی کمشنر گجرات صفدر حسین ورک نے بنیادی مرکز صحت دلاور پور کا دورہ کیا، جہاں ڈی ایچ او ڈاکٹر غمخوار حسین شاہ بھی ان کے ہمراہ تھے۔
دورے کے دوران، ڈپٹی کمشنر نے ڈاکٹرز اور عملے کی حاضری، صفائی کی صورتحال، ادویات کے اسٹاک، اور دیگر شعبہ جات کا تفصیلی جائزہ لیا۔
اس موقع پر ڈپٹی کمشنر نے کہا کہ بنیادی مراکز صحت میں مریضوں کو بہترین طبی سہولیات فراہم کی جائیں۔ تمام طبی آلات کو فنکشنل رکھا جائے اور ایمرجنسی ادویات کا مناسب اسٹاک ہر وقت موجود ہو۔
انہوں نے ہدایت کی کہ ہسپتال میں ڈاکٹرز اور عملہ ڈیوٹی روسٹر کے مطابق موجود رہے اور مریضوں کو فوری طبی امداد فراہم کی جائے۔
مریضوں کے ساتھ شفقت سے پیش آنے کی تلقین کرتے ہوئے ڈپٹی کمشنر نے مرکز کی عمارت کی صفائی اور تزئین و آرائش پر خصوصی توجہ دینے کی ہدایت کی۔
مزید برآں، لانز اور پودوں کی کانٹ چھانٹ اور گھاس کی صفائی باقاعدگی سے کروانے کی ضرورت پر زور دیا گیا تاکہ مرکز میں ایک صاف ستھرا ماحول فراہم کیا جا سکے۔
ڈپٹی کمشنر کا کہنا تھا کہ مریضوں کو بہترین سہولیات کی فراہمی کے لیے تمام دستیاب وسائل کا مؤثر استعمال یقینی بنایا جائے گا۔
