343
ڈپٹی کمشنر گجرات صفدر حسین ورک کا انفارمیشن کاونٹر کا دورہ، سہولیات کا جائزہ لیا گیا ہے۔
ڈپٹی کمشنر گجرات صفدر حسین ورک نے ڈی سی کمپلیکس میں انفارمیشن کاونٹر کا جائزہ لیا۔
انہوں نے بتایا کہ یہ کاونٹر شہریوں کی راہنمائی کے لیے قائم کیا گیا ہے تاکہ وہ حکومت پنجاب کے مختلف پروگرامز، جیسے اپنی چھت اپنا گھر پروگرام، کسان کارڈ، اور کلینک آن ویلز کے بارے میں معلومات حاصل کر سکیں۔
ان کا کہنا تھا کہ وزیر اعلیٰ پنجاب محترمہ مریم نواز شریف کی ہدایات پر گجرات کے شہری بھی اپنی چھت اپنا گھر پروگرام سے فائدہ اٹھا رہے ہیں، جس کے تحت 7 سال کی مدت کے لیے بلا سود قرضے فراہم کیے جا رہے ہیں۔
ڈپٹی کمشنر نے مزید بتایا کہ اس پروگرام کے تحت شہریوں کو 15 لاکھ روپے تک بلا سود قرضہ دیا جائے گا، اور اس کے تمام سروس چارجز حکومت پنجاب خود ادا کرے گی۔
