گجرات، ڈپٹی کمشنر صفدر حسین ورک کی زیر صدارت ڈسٹرکٹ ایمرجنسی رسپانس کمیٹی کا اجلاس ہوا۔
گجرات: ڈپٹی کمشنر صفدر حسین ورک نے ڈسٹرکٹ ایمرجنسی رسپانس کمیٹی کے اجلاس کی صدارات کرتے ہوئے کہا کہ کمرشل مقامات سے لاروا ملنے پر 6 مالکان کے خلاف مقدمات درج کروائے گئے ہیں، جبکہ دو کاروباری مراکز کو سیل کردیا گیا ہے۔
ڈپٹی کمشنر کا کہنا تھا کہ ڈینگی ہاٹ سپاٹ کی مکمل سرویلنس یقینی بنائی جائے۔ سرکاری و نجی مقامات سے ڈینگی لاروا ملنے پر سخت قانونی کارروائی عمل میں لائی جائے گی۔ ڈینگی کی روک تھام کے لئے شہری احتیاطی تدابیر پر عمل کریں، بارش کے موسم میں پانی نہ کھڑا ہونے دیں۔
ڈینگی سرویلنس کمیٹی کے اجلاس کی صدارت کرتے ہوئے ڈپٹی کمشنر صفدر حسین ورک کا کہنا تھا کہ محکمہ صحت و الائیڈ ڈیپارٹمنٹ ڈینگی سرویلنس احسن طریقے سے سرانجام دیں۔ بوگس سرگرمی کرنے والے اہلکاروں کے خلاف سخت کارروائی عمل میں لائی جائے گی۔
سی ای او ہیلتھ ڈاکٹر ذاکر علی رانا، ڈی ایچ او ڈاکٹر غمخوار حسین شاہ، ایڈیشنل ڈائریکٹر لائیو اسٹاک ڈاکٹر طاہر عزیر، ڈپٹی ڈائریکٹر کالجز طاہر عزیز، ڈپٹی ڈائریکٹر زراعت توسیع محمد اطہر لطیف و دیگر افسران اس موقع پر موجود تھے۔
ڈپٹی کمشنر صفدر حسین ورک نے کہا کہ کمرشل مقامات سے ڈینگی لاروا ملنے کی صورت میں مالکان کے خلاف مقدمات درج کروائے جائیں گے۔ افسران اپنے اپنے دفاتر، سرکاری عمارات کو صاف رکھیں۔ سرکاری گھروں، عمارات کی خصوصی سرویلنس کی جائے، ہاوس کیپنگ پر خصوصی توجہ دی جائے۔ تمام ادارے اپنی اپنی ذمہ داری کے مطابق ڈینگی سرویلنس سرانجام دیں۔ اینڈروئیڈ یورز روزانہ کی بنیاد پر ڈینگی کے حوالے سے سرگرمیاں اپ لوڈ کریں۔
ڈپٹی کمشنر صفدر حسین ورک نے کہا کہ جنرل پریکٹیشنر سمیت سرکاری ہسپتالوں کے ڈاکٹر ڈینگی کے مشتبہ مریض رپورٹ کریں۔ ڈینگی سرویلنس میں کوتاہی برداشت نہیں کی جائے گی۔ محکمہ صحت ڈینگی ہاٹ اسپاٹ کی سخت نگرانی کریں۔ ڈینگی ہاٹ اسپاٹس، قبرستان، شادی ہالز، زیر تعمیر عمارات، کباڑ خانوں، نرسریوں کی سخت نگرانی کی جائے۔
