گکھڑ منڈی کی رہائشی 5 ویں کلاس کی طالبہ کو سگے باپ نے ڈنڈوں کے وار کرکے قتل کردیا۔
نواحی علاقہ گل والا کے رہائشی جواں سالہ زمیندار کو نامعلوم افراد گولیاں مارکرفرار ہوگئے۔ تھانہ احمد نگر پولیس نے مقدمہ درج کرلیا۔ وزیرآباد کے علاقہ گکھڑ منڈی کے رہائشی سفاک شخص نے اپنی 13 سالہ بیٹی کو ڈنڈوں کے وار کرکے قتل کر دیا۔
ذرائع سے معلوم ہوا ہے کہ گکھڑ منڈی کے رہائشی محمد اشرف نے نا معلوم وجوہات کی بنا پر اپنی ہی بیٹی کو ڈنڈے مار کر قتل کردیا، مقتولہ مقامی سکول میں پانچویں کلاس کی طالبہ بتائی گئی ہے۔
سفاک ملزم کو پولیس تھانہ گکھڑ نے آلہ قتل سمیت گرفتارکرلیا۔ علاوہ ازیں وزیرآباد کے نواحی موضع گل والا کا رہائشی مقامی زمیندار دلاور شہباز سیان کو اپنے ڈیرہ سے گھر واپس جاتے ہوئے نا معلوم موٹر سائیکل سوار تین مسلع افراد فائر مار کر فرار ہوگئے۔
نوجوان کو زخمی اورتشویشناک حالت میں ہسپتال پہنچایا گیا مگر وہ جانبرنہ ہو سکا۔ پولیس تھانہ احمد نگر نے جائے وقوعہ کے معائنہ کے بعد مقدمہ درج کرکے تفتیش شروع کر دی ہے۔
