38
لالہ موسیٰ کے علاقے صابر کوٹ روڈ پر دن دہاڑے فائرنگ کا واقعہ پیش آیا، جس میں مسلح افراد نے فائرنگ کر کے قصبہ محلہ کے رہائشی 48 سالہ اعجاز انصاری کو قتل کر دیا۔ فائرنگ کے بعد ملزمان موقع سے فرار ہو گئے۔
پولیس ذرائع کے مطابق قتل کے بعد فرار ہونے والے ایک ملزم کی شناخت کر لی گئی ہے، جبکہ واقعے کی سی سی ٹی وی فوٹیج بھی منظرِ عام پر آ چکی ہے، جس کی مدد سے تحقیقات میں پیش رفت ہو رہی ہے۔
پولیس نے جائے وقوعہ پر پہنچ کر نعش کو قریبی اسپتال منتقل کر دیا ہے اور مقدمہ درج کر کے مزید تفتیش کا آغاز کر دیا گیا ہے۔
