139
اسسٹنٹ کمشنر گجرات بلال زبیر کی گراں فروشوں کے خلاف کارروائی۔
گجرات: ڈپٹی کمشنر صفدر حسین ورک کی ہدایت پر اسسٹنٹ کمشنر گجرات بلال زبیر نے شہر کے مختلف علاقوں میں فروٹ و سبزی فروشوں اور کریانہ اسٹورز کا دورہ کیا اور اشیاء خوردونوش کی قیمتوں کا جائزہ لیا۔
گراں فروشی کے مرتکب 9 دکانداروں پر بھاری جرمانے عائد کرتے ہوئے ان کے خلاف مقدمات درج کر کے گرفتاریاں بھی عمل میں لائی گئیں۔
اسسٹنٹ کمشنر نے دکانداروں کو ہدایت کی کہ ریٹ لسٹ کو نمایاں مقامات پر آویزاں کریں اور شہریوں سے کہا کہ وہ خریداری کے وقت ریٹ لسٹ کی جانچ کریں اور زائد قیمت طلب کرنے کی صورت میں "قیمت پنجاب ایپ پر شکایت درج کرائیں تاکہ فوری کارروائی کی جا سکے۔
"”ضلعی انتظامیہ کی جانب سے اشیاء خوردونوش کی قیمتوں پر سختی سے عملدرآمد کروایا جا رہا ہے، اور عوام کو ریلیف فراہم کرنے کے لیے ضلعی افسران متحرک ہیں۔
