ڈپٹی کمشنر صفدر حسین ورک کی ہدایات پر اسسٹنٹ کمشنر گجرات بلال زبیر نے اسپیشل ایجوکیشن انسٹیٹیوٹ کا دورہ کیا اور اسکول کونسل کے اجلاس کی صدارت کی۔
دورے کے دوران، اسسٹنٹ کمشنر نے انسٹیٹیوٹ میں جاری تدریسی اور انتظامی امور کا تفصیلی جائزہ لیا۔
اس موقع پر اسسٹنٹ کمشنر بلال زبیر نے کہا کہ اسکول کونسل کے بھرپور تعاون سے اسپیشل ایجوکیشن انسٹیٹیوٹ کی عمارت کی تزئین و آرائش کی جائے گی، تاکہ طلباء کو معیاری تعلیمی ماحول فراہم کیا جا سکے۔
انہوں نے یقین دہانی کروائی کہ تمام عدم دستیاب سہولیات کو جلد از جلد فراہم کیا جائے گا تاکہ طلباء کو کسی بھی قسم کی دشواری کا سامنا نہ ہو۔
اسسٹنٹ کمشنر بلال زبیر نے مزید کہا کہ معذور بچوں کے لیے تعلیمی ادارے کی بہتری اور ترقی اولین ترجیحات میں شامل ہے اور ان کو بہتر تدریسی خدمات فراہم کرنے کے لیے ہر ممکن اقدامات اٹھائے جائیں گے۔
اس کے علاوہ، ادارے میں تعلیمی معیار کو مزید بہتر بنانے اور طلباء کو ایک محفوظ، دوستانہ اور خوشگوار ماحول فراہم کرنے کے لیے اقدامات کیے جائیں گے۔
