7
راولپنڈی کی ایک مقامی عدالت نے 13 سالہ لڑکے کے اغوا، زیادتی اور قتل کیس کا فیصلہ سناتے ہوئے مجرم کو 3 بار سزائے موت اور 10 لاکھ روپے جرمانے کی سزا سنا دی ہے۔
ایڈیشنل اینڈ سیشن جج افشاں اعجاز صوفی نے فیصلہ سناتے ہوئے مجرم عرفان عظیم کو تین مختلف جرائم میں سزائے موت کی سزا دی۔
- قتل کے جرم میں: سزائے موت۔
- زیادتی کے جرم میں: سزائے موت اور 5 لاکھ روپے جرمانہ۔
- اغوا کے جرم میں: سزائے موت اور 5 لاکھ روپے جرمانہ۔
پراسیکیوشن کے مطابق، مجرم نے مارچ 2023 میں 13 سالہ لڑکے کو اغوا کیا، اس کے ساتھ زیادتی کی اور پھر چھری کے وار کر کے اسے قتل کر دیا تھا۔ یہ مقدمہ تھانہ دھمیال، راولپنڈی میں درج کیا گیا تھا۔
