7
مری کے دیول بازار میں واقع ایک جیولری شاپ سے 4 کروڑ روپے مالیت کے زیورات چوری ہو گئے۔ پولیس حکام کے مطابق یہ واردات رات گئے پیش آئی۔
چوری کی خبر سامنے آنے پر علاقے کے تاجروں اور عوام نے شدید احتجاج کیا اور سڑک بلاک کر دی۔ بعد ازاں پولیس نے تاجروں کو یقین دہانی کرائی کہ 24 گھنٹوں کے اندر ملزمان کو گرفتار کر لیا جائے گا، جس کے بعد بازار میں ٹریفک معمول کے مطابق بحال کر دی گئی۔
پولیس واقعے کی مزید تحقیقات کر رہی ہے تاکہ چوروں کو جلد از جلد گرفتار کیا جا سکے۔
