8
ہنجروال پولیس نے 11 سالہ طالبہ سے نازیبا حرکات کرنے والے نجی اسکول کے پرنسپل غلام نبی کو گرفتار کر کے مقدمہ درج کر لیا۔
لاہور ،ہنجروال پولیس نے چوتھی جماعت کی طالبہ سے نازیبا حرکات کرنے والے نجی اسکول کے پرنسپل کو گرفتار کر لیا۔
ترجمان پولیس کے مطابق ملزم غلام نبی گزشتہ دو ماہ سے 11 سالہ بچی کے ساتھ نازیبا حرکات کرتا رہا اور اسے کسی کو بتانے پر سنگین نتائج کی دھمکیاں دیتا تھا۔
ایس پی ڈاکٹر محمد عمر نے بتایا کہ ملزم کے خلاف بچی کی والدہ اقرا عمران کی مدعیت میں مقدمہ درج کیا گیا، جس کے بعد اسے گرفتار کر کے انویسٹی گیشن ونگ کے حوالے کر دیا گیا ہے۔
پولیس حکام نے واضح کیا ہے کہ بچوں کو ہراساں کرنے اور نازیبا حرکات میں ملوث افراد کسی رعایت کے مستحق نہیں۔
