لاہور: بچوں سے بدفعلی میں ملوث انتہائی مطلوب ملزم گرفتار

لاہور: ریلویز پولیس اسپیشل برانچ نے لاہور ریلوے اسٹیشن پر کارروائی کرتے ہوئے بچوں سے بدفعلی میں ملوث انتہائی مطلوب ملزم کو گرفتار کرلیا۔

پولیس کے مطابق اسپیشل برانچ لاہور نے خفیہ اطلاع پر کارروائی کی اور تھانہ ڈسٹرکٹ پولیس پائی خیل، ضلع میانوالی کو مطلوب ملزم محمد اشرف کو حراست میں لے لیا، جسے بعد ازاں متعلقہ حکام کے حوالے کردیا گیا۔

تفتیشی حکام کے مطابق ملزم محمد اشرف نے 12 سالہ بچے کے ساتھ زیادتی کی کوشش کی تھی، اور ناکامی پر بچے کو چھریوں کے وار کرکے شدید زخمی کرنے کے بعد موقع سے فرار ہوگیا تھا۔

واقعے کے بعد تھانہ پائی خیل ضلع میانوالی میں ملزم کے خلاف دفعہ 324 تعزیراتِ پاکستان (PPC) کے تحت مقدمہ درج کیا گیا تھا۔