8
کراچی کے علاقے ملیر میں شاہین فورس کے چار پولیس اہلکار قیمتی تانبا چوری کرتے ہوئے رنگے ہاتھوں پکڑے گئے۔ پولیس کے مطابق ملزمان کے قبضے سے 55 کلوگرام سے زائد تانبا برآمد ہوا۔
کراچی،شہر قائد میں قانون کے رکھوالے ہی قانون شکن نکلے، ملیر کے صنعتی علاقے میں قیمتی سرکاری سامان کی چوری میں ملوث چار پولیس اہلکار رنگے ہاتھوں گرفتار کر لیے گئے۔
ایس ایس پی ملیر عبدالخالق پیرزادہ کے مطابق بن قاسم پولیس نے خفیہ اطلاع پر فوری کارروائی کرتے ہوئے سٹیل مل کے علاقے سے شاہین فورس کے چار اہلکاروں کو گرفتار کرلیا، جو مبینہ طور پر قیمتی تانبا چوری کرنے میں ملوث تھے۔
گرفتار اہلکاروں کی شناخت ہیڈ کانسٹیبل علی گل، کانسٹیبل واجد خان، کانسٹیبل عاصف علی اور کانسٹیبل زہور احمد کے نام سے ہوئی ہے۔
پولیس کے مطابق ملزمان کے قبضے سے 55 کلوگرام سے زائد تانبا برآمد کر لیا گیا ہے، جو مبینہ طور پر سٹیل مل کے اندر سے چرایا گیا تھا۔
