27
خیبرپختونخوا کے ضلع لکی مروت میں والد کو گھر بلانے پر دیور نے بھابھی کو فائرنگ کرکے قتل کر دیا، جس کے بعد ملزم فرار ہو گیا۔ واقعے کا مقدمہ مقتولہ کے والد کی مدعیت میں درج کر لیا گیا۔
فائرنگ کا واقعہ لکی مروت کے علاقے نالی چک میں پیش آیا جہاں جبار خان نامی شخص نے اپنی بھابھی سے زبانی تکرار کے دوران فائرنگ کر دی۔ فائرنگ کے نتیجے میں خاتون ثانیہ بی بی موقع پر جاں بحق ہو گئی۔
مقتولہ کے باپ نے سرائے نورنگ پولیس کو بتایا کہ جبار میری بیٹی پر تشدد کرتا تھا۔ اپنی بیٹی کی خیریت دریافت کرنے ان کے گھر گیا، جہاں پر بیٹی کی لاش ملی۔
واقعے کے بعد ملزم جبار خان فرار ہو گیا، جبکہ تھانہ سرائے نورنگ پولیس نے مقتولہ کے باپ کی مدعیت میں مقدمہ درج کر لیا۔
