گھریلو رنجش پر داماد نے سسر اور اس کے بھائی کو قتل کردیا۔
خضدار، گھریلو رنجش پر داماد نے فائرنگ کرکے سسر اور اس کے بھائی کو موت کے گھاٹ اتار دیا۔
پولیس کے مطابق افسوسناک واقعہ خضدار کے علاقے کھٹان میں پیش آیا جہاں گھریلو رنجش پر داماد اور سسر کے درمیان تکرار ہوئی جس پر داماد نے فائرنگ کردی، فائرنگ کے نتیجے میں سسر اور اس کا بھائی جان کی بازی ہارگئے۔
پولیس کے مطابق فائرنگ کی زد میں آکر 2 خواتین سمیت 4 افراد زخمی بھی ہوئے جن کو طبی امد اد کیلئے قریبی اسپتال منتقل کردیا گیا تھا۔
دوسری جانب خیبر پختونخوا کے دارالحکومت پشاور میں آندھی اور تیز بارش کے بعد آنے والے طوفان سے متعدد چھتیں اڑ گئیں۔
ریسکیو ذرائع کا کہنا ہے کہ چارسدہ کے علاقے ترنگزئی خٹ کورونہ میں تیز آندھی اور طوفان کی وجہ سے کمرے کی چھت گرگئی جس میں 5 افراد جان کی بازی ہار گئے۔
ریسکیو ذرائع کے مطابق چارسدہ میں چھت گرنے سے جان کی بازی ہارنے والوں میں میاں بیوی اوران کے 3 بچے شامل ہیں۔
ریسکیو ذرائع کا کہنا ہے کہ متاثرہ افراد کو چارسدہ کے ڈی ایچ کیو اسپتال میں منتقل کیا گیا تھا جہاں متاثرین زخموں کی تاب نہ لا تے ہوئےجان کی بازی ہار گئے۔
