قبائل میں مسلح تصادم کے نتیجے میں 12 افراد جان کی بازی ہار گئے۔
کرم ، مختلف علاقوں میں قبائل کے درمیان مسلح تصادم میں 3 روز کے دوران 12 افراد جان کی بازی ہار گئے جب کہ متعدد زخمی ہیں۔
پولیس کے مطابق کرم کے مختلف علاقوں میں قبائل کے درمیان فائرنگ کا تبادلہ تاحال جاری ہے اور پولیس انتظامیہ کیساتھ مل کر حالات کو قابو کرنے کی کوشش کر رہی ہے۔
پولیس کا کہنا ہے کہ گاؤں بوشہرہ اور گاؤں احمد زئی میں لڑائی مورچوں کی تعمیر پر ہوئی، جو گاؤں بالش خیل، خار کلی، صدہ، پیواڑ، تری منگل، بغکی، مقبل اور کنج علیزئی تک پھیل گئی۔
دونوں فریقین کی جانب سے ایک دوسرے پر راکٹ، میزائل، سمیت بھاری اسلحے سے فائرنگ کی جارہی ہے، جھڑپوں کے باعث پاراچنار شاہراہ ہر قسم کی آمد و رفت کیلئے بند ہے، تاہم جنگ بندی میں پولیس مکمل طور پر ناکام ہوگئی ہے۔
واضح رہے ضلع کرم میں 2 ماہ پہلے بھی قبائل کے درمیان مسلح تصادم ہوا تھا جس میں 40 سے زیادہ افراد کی ہلاکت ہوئی تھی۔
