131
بٹگرام کی سب جیل میں قید 20 سالہ لڑکی کو جنسی زیادتی کا نشانہ بنادیا گیا۔
تفصیلات کے مطابق سرکاری اسپتال کی جانب سے لڑکی سے زیادتی کی تصدیق کردی گئی ہے جبکہ زیر حراست لڑکی کی جانب سے الزام عائد کیا گیا ہے کہ جیل سپرنٹنڈنٹ نے اپنے آفس میں بلاکر زیادتی کی۔
ملزم جیل سپرنٹنڈنٹ کےخلاف مقدمے کا اندراج کرلیا گیا ہے۔
ڈی پی او کا کہنا ہے کہ جیل سپرنٹنڈنٹ کی جانب سے مقامی عدالت سے ضمانت قبل از گرفتاری کروالی گئی ہے تاہم جیل سپرنٹنڈنٹ کے خلاف محکمانہ انکوائری کی جارہی ہے۔
دوسری جانب چنیوٹ میں ریپ کیس کے جھوٹے مقدمات درج کرانے والی خاتون کو پولیس نے حراست میں لے لیا۔
پنجاب کے شہر چنیوٹ میں ریپ کیس کے جھوٹے مقدمات درج کرانے والی خاتون کو پولیس نے حراست میں لے لیا۔
پولیس کے مطابق زیر حراست ملزمہ بلیک میلنگ گروہ کی سرغنہ تھی، ملزمہ مجبور اور غریب خواتین کو استعمال کرا کر کیسز درج کرواتی تھی۔
