فیڈرل بورڈ آف ریونیو (ایف بی آر) نے نان فائلرز کے بینک ٹرانزیکشنز اور جائیداد کی خرید و فروخت پر ٹیکس پالیسی میں تبدیلی کر دی۔
تفصیلات کے مطابق ایکٹیو ٹیکس پیئرز لسٹ میں شامل نہ ہونے والے افراد کیلئے بینک سے یومیہ 50 ہزار روپے سے زائد رقم نکلوانے پر ٹیکس کٹوتی کی شرح 0.6 فیصد سے بڑھا کر 0.8 فیصد کر دی گئی ہے۔ ہر بینکنگ کمپنی نان فائلرز سے یہ ایڈوانس ایڈجسٹیبل ٹیکس منہا کرنے کی مجاز ہوگی۔
نان فائلرز کیلئے بڑی خوشخبری، حکومت نے بینک ٹرانزیکشنز پر ریلیف دے دیا
پراپرٹی ٹرانزیکشنز میں بھی بڑے پیمانے پر ردوبدل کیا گیا ہے۔ ایف بی آر کے مطابق خریدار کیلئے ودہولڈنگ ٹیکس میں 1.5 فیصد کمی جبکہ فروخت کنندہ کیلئے ہر سلیب میں 1.5 فیصد اضافہ کیا گیا ہے تاکہ فروخت پر حاصل ہونے والے کیپٹل گین کو ایڈجسٹ کیا جا سکے۔ اس مقصد کیلئے انکم ٹیکس آرڈیننس کے سیکشن 236C اور 236K میں ترمیم کی گئی ہے۔
نئی شرحوں کے مطابق:
5 کروڑ روپے تک کی پراپرٹی خرید پر ٹیکس 3 فیصد سے کم ہو کر 1.5 فیصد ہو گیا۔
10 کروڑ روپے تک کی خریداری پر شرح 3.5 فیصد سے گھٹ کر 2 فیصد کر دی گئی۔
10 کروڑ روپے سے زائد مالیت کی خریداری پر ٹیکس 4 فیصد سے کم ہو کر 2.5 فیصد رہ گیا۔
ایف بی آر کا کہنا ہے کہ یہ اقدامات نان فائلرز پر دباؤ بڑھانے اور جائیداد کی خرید و فروخت کے نظام کو شفاف بنانے کیلئے کیے گئے ہیں۔
