متحدہ عرب امارات کے صدر شیخ محمد بن زاید النہیان روس کے سرکاری دورے پر ماسکو پہنچ گئے، جہاں کریملن میں روسی صدر ولادیمیر پیوٹن نے ان کا پرتپاک استقبال کیا۔
غیر ملکی میڈیا کے مطابق دونوں رہنماؤں کے درمیان اہم ملاقات میں دوطرفہ تعلقات، علاقائی سلامتی اور عالمی امور پر تفصیلی تبادلہ خیال ہوا۔ اس موقع پر شیخ محمد بن زاید نے روس اور یوکرین کے درمیان جاری تنازع کے حل میں تعاون اور ثالثی کی پیشکش کی۔
روسی صدر پیوٹن نے کہا کہ روس اور متحدہ عرب امارات کے تعلقات مسلسل مضبوط ہو رہے ہیں اور دونوں ممالک خطے میں امن و استحکام کے قیام کے لیے قریبی تعاون کر رہے ہیں۔
ملاقات میں اقتصادی شراکت داری، توانائی کے شعبے، سرمایہ کاری کے مواقع اور سکیورٹی معاملات پر بھی بات چیت ہوئی، جبکہ مشرق وسطیٰ کی موجودہ صورتحال پر خصوصی غور کیا گیا۔
روس کا یوکرین پر سب سے بڑا فضائی حملہ
