امریکی صدر ڈونلڈ ٹرمپ نے روس اور یوکرین پر زور دیا ہے کہ وہ پاکستان اور بھارت کے درمیان ہونے والی جنگ بندی سے سبق حاصل کریں۔
وائٹ ہاؤس میں میڈیا سے گفتگو کرتے ہوئے ٹرمپ نے کہا کہ انہیں یقین ہے کہ روس اور یوکرین امن معاہدہ کر سکتے ہیں اور اس سلسلے میں ان کی روسی صدر ولادیمیر پیوٹن کے ساتھ ملاقات مثبت رہی۔ انہوں نے کہا کہ آئندہ ملاقات میں ممکنہ طور پر روسی صدر پیوٹن، یوکرینی صدر ولودیمیر زیلنسکی اور کچھ یورپی رہنما بھی شریک ہوں گے۔
ٹرمپ نے بتایا کہ امن برقرار رکھنا بہت ضروری ہے، جیسے پاکستان اور بھارت کے درمیان خطرناک صورتحال کے دوران چند طیارے گرنے کے باوجود تنازع بڑے پیمانے پر جنگ میں نہیں بدلا، ورنہ لاکھوں جانیں ضائع ہو سکتی تھیں۔
ٹرمپ اور پیوٹن کی اہم ملاقات 15 اگست کو الاسکا میں طے، یوکرین تنازع کے حل پر پیش رفت کا امکان
واضح رہے کہ ٹرمپ اور پیوٹن کی ملاقات الاسکا میں ہوئی، جو 2021 کے بعد کسی امریکی اور روسی صدر کی پہلی براہِ راست ملاقات تھی۔
اس دوران امریکی وزیر خزانہ نے بھارت کو بھی خبردار کیا کہ اگر مذاکرات ناکام ہوئے تو بھارت پر مزید ٹیرف لگائے جا سکتے ہیں، جس سے مجموعی ڈیوٹی 50 فیصد تک بڑھ سکتی ہے۔
