اسٹیٹ بینک آف پاکستان نے حج 2025 کے خواہشمند عازمین کو بڑی سہولت فراہم کرتے ہوئے اعلان کیا ہے کہ ملک بھر میں حج درخواستیں جمع کروانے کے لیے مجاز بینکوں کی برانچیں ہفتے کے روز بھی کھلی رہیں گی۔
مرکزی بینک کے مطابق وزارتِ مذہبی امور اور بین المذاہب ہم آہنگی کی درخواست پر 14 مجاز بینکوں کو ہدایت جاری کی گئی ہے کہ وہ ہفتے کے دن صبح 9 بجے سے دوپہر 2 بجے 30 منٹ تک اپنی برانچیں کھلی رکھیں تاکہ درخواست دہندگان کو زیادہ سے زیادہ سہولت فراہم کی جا سکے۔
حج 2026 کیلئے درخواستوں کا آغاز، پہلی قسط 9 اگست تک جمع کرانے کی ہدایت
اسٹیٹ بینک نے واضح کیا کہ مجاز بینک حج درخواست فارم 4 اگست سے 9 اگست 2025 تک وصول کریں گے، جبکہ غیر رجسٹرڈ عازمینِ حج 11 اگست سے 16 اگست 2025 تک اپنی درخواستیں اور اخراجات جمع کروا سکیں گے۔
یہ اقدام اس بات کو یقینی بنانے کے لیے اٹھایا گیا ہے کہ زیادہ سے زیادہ شہری آسانی کے ساتھ اپنے کاغذات مکمل کر کے حج کے لیے درخواست جمع کروا سکیں۔
