آسٹریلیا کے بارشی جنگلات میں سائنسدانوں نے ایک غیرمعمولی اور دیوقامت کیڑے کی نئی قسم دریافت کر لی ہے، جو اپنی جسامت اور ساخت کے باعث سوشل میڈیا پر بھی توجہ کا مرکز بن چکی ہے۔
بین الاقوامی میڈیا رپورٹس کے مطابق یہ کیڑا ظاہری طور پر تتلی اور ٹڈے کا امتزاج محسوس ہوتا ہے، مگر اس کی جسامت عام کیڑوں کے مقابلے میں کہیں زیادہ ہے۔ آسٹریلین یونیورسٹی کے ماہرین کا کہنا ہے کہ یہ اب تک ملک میں دریافت ہونے والا سب سے وزنی کیڑا ہے۔
پودے آوازیں نکالتے ہیں، کیڑے سنتے اور ردِعمل بھی دیتے ہیں، تحقیق کا حیران کن انکشاف
تحقیقی رپورٹ کے مطابق اس کیڑے کا وزن 44 گرام اور لمبائی تقریباً 16 انچ ہے، جو کہ ایک اوسط بالغ انسان کے ہاتھ جتنی لمبائی کے برابر ہے۔
سوشل میڈیا پر اس کیڑے کی تصاویر اور ویڈیوز تیزی سے وائرل ہو رہی ہیں، جہاں صارفین حیرت، تجسس اور خوف جیسے مختلف ردعمل کا اظہار کر رہے ہیں۔ سائنسی حلقوں میں اس دریافت کو قدرتی تنوع کے حوالے سے ایک اہم پیشرفت قرار دیا جا رہا ہے۔
