راڈوم، پولینڈ کی فضائیہ کا ایک امریکی ساختہ F-16 جنگی طیارہ جمعرات کے روز وسطی پولینڈ کے شہر راڈوم میں ہونے والے ایئر شو کی ریہرسل کے دوران گر کر تباہ ہو گیا۔
افسوسناک حادثے میں طیارے کا پائلٹ موقع پر ہی ہلاک ہو گیا، جب کہ واقعے کی ویڈیو سوشل میڈیا پر تیزی سے وائرل ہو رہی ہے۔
میڈیا رپورٹس کے مطابق طیارہ ایروبیٹک مشق کے دوران فضاء میں بیرل رول کرتے ہوئے اچانک توازن کھو بیٹھا اور زمین کی طرف تیزی سے گرنے لگا۔ ویڈیو میں واضح طور پر دیکھا جا سکتا ہے کہ طیارہ گرنے سے پہلے کچھ پیچیدہ فضائی حرکات کرتا ہے اور پھر زور دار دھماکے سے زمین پر جا گرتا ہے۔
⚡ BREAKING: F-16 fighter jet crashes during training for the Radom Air Show in Poland. Pilot killed
Aircraft crashed into the runway around 1730 GMT and damaged it. The Radom Airshow planned for the weekend has been cancelled.
Government spokesman Adam Szlapka confirmed the… pic.twitter.com/E3wFl6MKIP
— OSINT Updates (@OsintUpdates) August 28, 2025
چند ہی لمحوں میں طیارہ آگ کے گولے میں تبدیل ہو جاتا ہے اور رن وے پر چند میٹر تک گھسٹتا ہے۔
چینی J-20 لڑاکا طیارہ جدید امریکی و جاپانی ریڈار سسٹمز سے بچ نکلا
پولینڈ حکومت کے ترجمان نے واقعے کی تصدیق کرتے ہوئے کہا کہ یہ حادثہ ائیر شو کی ریہرسل کے دوران پیش آیا اور اسے فضائیہ کا ایک "بڑا نقصان” قرار دیا۔ ترجمان کا کہنا تھا کہ حادثے پر پوری قوم غم زدہ ہے، خاص طور پر ایئر فورس کے حلقے میں گہرے رنج و غم کی لہر دوڑ گئی ہے۔
پولینڈ کی مسلح افواج کی جنرل کمان کے مطابق تباہ ہونے والا طیارہ 31ویں ٹیکٹیکل ایئر بیس، پوزنان سے تعلق رکھتا تھا۔ خوش قسمتی سے طیارے کے گرنے سے کسی بھی شہری یا راہگیر کو نقصان نہیں پہنچا، کیونکہ حادثہ رن وے اور ایئر شو کی مخصوص حدود میں پیش آیا۔
حادثے کے فوراً بعد ایمرجنسی عملہ جائے وقوعہ پر پہنچا، جب کہ واقعے کی تحقیقات کا آغاز کر دیا گیا ہے۔ حکام کے مطابق حادثے کی وجہ تاحال معلوم نہیں ہو سکی، اور پولینڈ حکومت نے مزید تفصیلات فی الحال جاری نہیں کیں۔
اس افسوسناک واقعے کے بعد ایئر شو کو منسوخ کر دیا گیا ہے، جو رواں ہفتے کے آخر میں راڈوم میں منعقد ہونا تھا۔ منتظمین نے عوامی تحفظ کو مدنظر رکھتے ہوئے یہ فیصلہ کیا، جب کہ متاثرہ پائلٹ کو خراج عقیدت پیش کیا گیا۔
یاد رہے کہ چند روز قبل جنوبی کوریا کے ساحل کے قریب بھی ایک امریکی ایف-16 طیارہ گر کر تباہ ہوا تھا، تاہم اس واقعے میں پائلٹ محفوظ رہا تھا۔
