153
معروف سماجی کارکن اور شخصیت ڈاکٹر عمر عادل کو نیشنل سائبر کرائم انویسٹی گیشن ایجنسی نے گرفتار کر لیا ہے۔
ذرائع کے مطابق ان پر الزام ہے کہ انہوں نے چند روز قبل سوشل میڈیا پر آرائیں برادری کے خلاف نازیبا کلمات کہے تھے۔
چیرمین آرائیں ایسوسی ایشن کی جانب سے دی گئی شکایت پر ڈاکٹر عمر عادل کے خلاف باقاعدہ انکوائری کا آغاز کیا گیا، جس کے بعد ان کی گرفتاری عمل میں آئی۔
واضح رہے کہ ڈاکٹر عمر عادل نے اپنے بیان پر معذرت کرتے ہوئے اسے غلط فہمی قرار دیا تھا، تاہم متعلقہ حکام کا کہنا ہے کہ سوشل میڈیا پر نفرت انگیز یا فرقہ وارانہ مواد کسی صورت برداشت نہیں کیا جائے گا، چاہے بعد میں معذرت بھی کی جائے۔
