سری لنکا میں ایک غیر معمولی واقعہ سامنے آیا ہے جہاں ایک شہری کو گھر میں محض 4 لیٹر پیٹرول ذخیرہ کرنے پر قید کی سزا سنا دی گئی۔ یہ واقعہ ضلع Kurunegala کے علاقے کوبیگانے میں پیش آیا، جہاں 48 سالہ شخص کو عدالت نے 21 دن قید اور تقریباً 1,500 روپے جرمانے کی سزا دی۔
غیر ملکی میڈیا رپورٹس کے مطابق پولیس نے شہری کو اس وقت گرفتار کیا جب ملک میں ایندھن ذخیرہ کرنے پر پابندی عائد تھی۔ حکام کے مطابق ملزم کے پاس سے 4 لیٹر پیٹرول برآمد ہوا، جس پر اس کے خلاف پیٹرولیم مصنوعات (ریگولیشن اینڈ کنٹرول آف سپلائیز) ایکٹ 1979 کے تحت مقدمہ درج کیا گیا۔
ملزم نے مؤقف اختیار کیا کہ اس نے پیٹرول گھریلو استعمال کے لیے رکھا تھا اور اسے کسی قسم کی فروخت کے لیے ذخیرہ نہیں کیا گیا تھا۔ اس کا کہنا تھا کہ یہ پیٹرول گھاس کاٹنے والی مشین چلانے کے لیے استعمال ہونا تھا۔
14 اپریل کے بعد ملک میں ایل این جی دستیاب نہیں ہوگی، سیکرٹری پیٹرولیم
دورانِ سماعت وکیلِ صفائی نے عدالت کو بتایا کہ قانون کے مطابق رجسٹرڈ گاڑی رکھنے والا شخص پیٹرول رکھنے کا مجاز ہوتا ہے، جبکہ قابلِ اجازت مقدار کے حوالے سے قانون میں وضاحت موجود نہیں۔ وکیل نے مؤقف اپنایا کہ اتنی کم مقدار پر مقدمہ قائم کرنا قانونی طور پر سوالیہ نشان ہے، تاہم عدالت نے دلائل مسترد کرتے ہوئے سزا سنا دی۔
