سئول، جنوبی کوریا: جنوبی کوریا میں ابھرنے والے قدرتی مناظر نے سیاحوں کو حیران کر دیا ہے، کیونکہ ملک کے مختلف پارکوں اور باغات میں گھاس سبز کے بجائے گلابی ہو گئی ہے۔ یہ گھاس Pink Muhly Grass کے نام سے مشہور ہے، اور ستمبر کے وسط سے نومبر کے شروع تک اس کے نرم، بادل نما گلابی اور ہلکے جامنی رنگ کے خوشے پورے منظر کو خوابناک بنا دیتے ہیں۔
یہ سجاوٹی گھاس اصل میں امریکا کے جنوبی حصوں سے تعلق رکھتی ہے، لیکن کوریا میں بڑے پیمانے پر پارکوں، جزائر اور سیاحتی مقامات پر کاشت کی جاتی ہے۔ گلابی گھاس کو معتدل دھوپ، ہلکی خشک مٹی اور نکاسیٔ آب والی زمین پسند ہے، جبکہ زیادہ پانی یا نمی اس کی جڑوں کو نقصان پہنچا سکتی ہے۔ ایک بار لگانے کے بعد یہ کئی برس تک خود بخود اگتی رہتی ہے۔
سیاحوں کے لیے بہترین وقت اکتوبر کے پہلے دو ہفتے ہیں، جب کوریا کے ہانُول پارک، جھیل گیتچئون اور جزیرہ جیجو میں گلابی گھاس کے سمندر جیسے مناظر دیکھنے کو ملتے ہیں۔ اس منظر کی خوبصورتی نے فوٹوگرافروں اور قدرتی مناظر کے شوقین افراد کو دور دور سے کھینچ لایا ہے۔
