امریکی ریاست مشی گن کے 73 سالہ رہائشی کی مستقل مزاجی اور صبر نے اسے لاکھوں ڈالرز کا مالک بنا دیا۔ غیر ملکی میڈیا رپورٹس کے مطابق، اس شخص نے گزشتہ 20 برس سے ایک ہی لاٹری نمبرز کھیل کر 32 لاکھ 90 ہزار ڈالر جیت لیے۔ فاتح کی شناخت ابھی تک ظاہر نہیں کی گئی ہے۔
لاٹری حکام کے مطابق مذکورہ شخص مسلسل دو دہائیوں سے ‘لوٹو 47’ کھیل رہا تھا اور ہر بار ایک ہی نمبرز یعنی 02، 03، 12، 15، 16 اور 33 استعمال کرتا رہا۔ یہ ہی نمبرز 13 دسمبر کو ہونے والی قرعہ اندازی کے ٹکٹ پر بھی موجود تھے، اور یہی وجہ بنی کہ اس نے لوٹو 47 کی تاریخ کا سب سے بڑا انعام جیتا۔
فاتح نے بتایا کہ جب اس نے پہلی بار اپنا ٹکٹ چیک کیا اور تین نمبرز ملتے جلتے دیکھے تو اسے لگا کہ شاید کم از کم پانچ ڈالر جیت لیے ہوں گے۔ تاہم جب باقی تمام نمبرز بھی ٹکٹ پر میچ ہوئے تو حیرت کی انتہا نہ رہی اور وہ اپنی آنکھوں پر یقین نہیں کر پا رہا تھا۔
انہوں نے مزید کہا کہ فوراً اپنے بچوں کو فون کیا اور خوشخبری سنائی، مگر ابتدا میں وہ بھی اس خبر پر یقین کرنے سے قاصر رہے۔ ان کا کہنا تھا کہ یہ لمحات زندگی کے سب سے خوش کن لمحے تھے، اور دو دہائیوں کی مستقل مزاجی کے بعد یہ کامیابی ان کے لیے بے حد خوشی کا باعث بنی۔
امریکی خاتون نے معمولی غلطی سے جیت لیا 2 لاکھ 50 ہزار ڈالر کا جیک پاٹ
اس واقعے نے واضح کر دیا کہ لاٹری میں مسلسل کوشش اور صبر کبھی کبھی شاندار انعام کی شکل میں پھل دیتا ہے۔ لوٹو 47 کے حکام نے بھی اس کامیابی کو ایک تاریخی موقع قرار دیا اور فاتح کو مبارکباد دی۔
ماہرین کے مطابق، لاٹری جیتنے والے افراد کے اکثر معاملات میں مستقل مزاجی اور ایک ہی نمبر یا نمبرز کا کھیلنا کامیابی کا باعث بنتا ہے، اور یہ کہانی اس اصول کی بہترین مثال ہے۔
