دنیا کی سب سے بڑی کلاؤڈ کمپیوٹنگ کمپنی ایمیزون ویب سروسز (AWS) کو ایک بڑی تکنیکی خرابی کا سامنا کرنا پڑا، جس کے باعث دنیا بھر میں سینکڑوں ویب سائٹس اچانک بند ہو گئیں اور لاکھوں صارفین متاثر ہوئے۔
غیر ملکی میڈیا رپورٹس کے مطابق، خرابی ایمیزون کے اندرونی نیٹ ورک لوڈ بیلنسنگ سسٹم میں پیدا ہوئی جو ڈیٹا ٹریفک کے بہاؤ اور سرورز کی کارکردگی کی نگرانی کرتا ہے۔
اس خرابی کے باعث ای کامرس، گیمنگ اور کمیونیکیشن سے متعلق متعدد آن لائن پلیٹ فارمز متاثر ہوئے۔ متاثر ہونے والی معروف سروسز میں چیٹ جی پی ٹی، اسنیپ چیٹ، زوم، روبلوکس، سگنل اور ڈوولنگو شامل ہیں۔
انٹرنیٹ بندش پر نظر رکھنے والی ویب سائٹ ڈاؤن ڈیٹیکٹر کے مطابق، اس خرابی سے دنیا بھر میں ایک ہزار سے زائد کمپنیاں متاثر ہوئیں جبکہ امریکا، برطانیہ، آسٹریلیا اور دیگر ممالک کے لاکھوں صارفین نے سروس بند ہونے کی شکایات درج کرائیں۔
ٹیکنالوجی سے وابستہ اداروں نے بھی ایمیزون کی سروسز میں آنے والی اس غیر معمولی خرابی کے باعث پیش آنے والی مشکلات کی تصدیق کی ہے۔
ٹیک ماہرین نے ایمیزون ویب سروسز میں پیش آنے والے اس واقعے کو تاریخ کی سب سے بڑی تکنیکی خرابیوں میں سے ایک قرار دیا، جس نے بیک وقت دنیا بھر میں لاکھوں صارفین کو متاثر کیا۔
🚫 Most of the internet is still down.
The Amazon Web Services (AWS) outage is one of the largest in history.
🗒️ Full list of websites confirmed to be affected as of this moment (if another website emerges that was not listed here, please leave it in the replies):
Adobe… pic.twitter.com/CqgliwmPCt
— Romulus Industries (@RomulusInd) October 20, 2025
دوسری جانب ایمیزون نے وضاحت جاری کرتے ہوئے کہا ہے کہ عالمی سطح پر سروسز متاثر کرنے والی بنیادی خرابی کو زیادہ تر حد تک درست کر لیا گیا ہے، تاہم کچھ ایپس اور ویب سائٹس میں اب بھی جزوی مسائل برقرار ہیں۔
کمپنی کے مطابق، سسٹم کی بحالی کا عمل جاری ہے اور تکنیکی ٹیمیں متاثرہ سروسز کی مکمل فعالیت یقینی بنانے پر کام کر رہی ہیں۔
