لانگیئربین،جو بھی اس دنیا میں آتا ہے ، اسے ایک نہ ایک دن مرنا ہوتا ہے ، لیکن دنیا میں ایک ایسا قصبہ بھی ہے کہ جسے مرنے کو ہی غیر قانونی قرار دیدیا۔
غیر ملکی میڈیا کے مطابق ناروے کے ایک قصبے لانگیئربین میں صرف مرنے کو ہی غیر قانونی قرار نہیں دیا بلکہ جو بزرگ شہری ہیں ان کی بھی رہائش پر پابندی ہے، لانگیئربین میں اس عجیب و غریب قانون کی وجہ بھی بتائی گئی ہے۔
غیر ملکی میڈیا کا بتانا ہے کہ اس قصبے میں 2 ہزار کے قریب افراد مقیم ہیں یہاں قبرستان بھی موجود ہے لیکن مردوں کو دفنانے کی اجازت نہیں ہے، در حقیقت یہ غیرمعمولی قانون بہت اچھی وجہ سے نافذ ہے، اس قانون کو سمجھنے کیلئے ہمیں لانگیئربین ٹاؤن کے بارے میں جاننے کی ضرورت ہے۔
قصبہ زمین کے سرد ترین مقامات میں سے ایک ہے اور سردی کی شدت منفی 46.3 ہوتی ہے جبکہ گرم ترین درجہ حرارت 3 سے 7 ڈگری کے درمیان ہوتا ہے۔
یہاں مرنے والے افراد کو دفنانے کیلئے زمین کھودنے میں دقت پیش آتی ہے اور سب سے بڑھ کر یہ کہ مردہ افراد کی باڈی ڈی کمپوز نہیں ہوتی اور اس سے مختلف قسم کی بیماریاں پھیلنے کا اندیشہ ہوتا ہے۔
ادھر صدیوں پرانے وائرس اور بیکٹریاں بھی میں پائےجاتے ہیں لہٰذا اگر کوئی شخص کسی بیماری سے مر جاتا ہے تو اس کا جسم اسی حالت میں رہے گا اور اس سے بیماریاں پھیلیں گی۔
